Prins Ron I

Ich bin Ron van de Schiefelaer en woon mien ganse leave lang al in ut prachtige Oesjbik. Bin gelukkig getrouwd mit mien vrouw Elma en veer hubbe saame os 2 geweldige kinjer Cas en Fee moage verwelkomme is os leave. Ut is prachtig dat ich mit ozze zoon Cas dit seizoen, saame de vasteloavend ins van de angere kantj moage beleave.

Vasteloavend is mich van heem oet mitgegeave en ich geneet er al van zolang ich mich dat kin herinneren. Vreuger hub ich al ins mit de jeugdroad op de waage appelsiene moage oetsjmiete, mer dit joar moag ich dan eindelik ins op ut hoogste plekske van de waage sjtoan.

Muziek is un groot deil van mich, en dat doon ich dan mit alle plezeer oog zelf maake es drumbandlid van de Sjutterie St Lambertus Oesjbik. Begonne es slagwerker, mer inmiddels bin ich al get joarkes op de basklaroen aan ut bloaze.

Oog drei ich gear aan de knupkes es ut op muziek aan kump. Es DiskJockey woar ich joare mit de vasteloavend betrokke en onger angere aanwezig bie de iesjte proclamaties van de Sjepene.
Wie ich doanoa de kans kreeg om mit de groep Don Kiesjot van buhn noa podium door de ganse provincie te sjeeze hub ich de plaetjes weggelag, mer ut jeukt waal nog ummer un bietje!

Dit joar goan veer un nuuj oetdaging aan onger de naam ‘Vaerdig’ saame mit Bas en Ronald en ozze achterban. Mit 'n mix aan vastelaoves- en (oktober)feësgerelateerde leedjes goan veer de limburgse podia weer besjtórme de kommende joare.

Mer om dit joar saame es Prinsen mit miene zoon en Prinses Britt te moage regere euver ut Sjepene riek doa bin ich oog waal ech helemoal vaerdig veur!