Jeugdprins Cas I

Ich bin Cas, geboare in Heerlen mer leaf al mien ganse leave in Oesjbik. Woon op de Bellekampweag mit mien pap en mam, zusje Fee en miene biste vrundj Loe (de hondj)

Ich zit in groep 7 van de basisschool ‘de Sprong’ bie meester David en juffen Ellen en Jay

Bin drumband lid van de Sjutterie St Lambertus Oesjbik en laop mit es slagwerker binnen de drumband. Ich stoan oog gear es solist veur de juri vaak te knalle om unne sjieke pries te kinne hoale op de bondsfeeste.

Elke vriedig is ut ren je rot daag bie os heem, dan wurt vlot gegeate, doanoa noa de Judo en direct door renne noa de Don Bosco in de Sjepebank en eindige veer mit alle vriendjes en vriendinnetjes bie Jannie, Irma en Sonny van café in de Vrie om ut weekend goot te sjtarte.

De Judo ving ich hiel erg leuk omdat v’r doa lekker kinne beweage, renne, rolle en sjpringe. Effe get energie aafbloaze!

Bie de Don Bosco goan v’r ummer hiel veul leuke dinge doon en op avontuur in de boesj rondom Oesjbik. Doa krieg ich de tied goot om mit sjpelkes en gekkigheid.

Unne nuuje hobbie wurt misschien waal vusje, dat hub ich mit pap same noe un paar kier gedoan, en zonne groote karper oet ut water hoale ving ich toch ech waal sjpannend en leuk!

Inmiddels wit geer noe waal genog euver mich, en komt geer mich dees daag vol trots in mien prinsepekske teage om d’r same mit uch unne geweldige vasteloavend van te make.